Ўзбек ва инглиз тилларида интеррогативлик категориясини ифода этишнинг вербал воситалари

Аннотация

Диссертация мавзусининг долзарблиги ва зарурати. Дунё мамлакатлари ўртасида халқаро ва иқтисодий алоқалар мустаҳкамланиб бораётган бир пайтда, чет тилида оғзаки ва ёзма мулоқот қила олиш ҳозирги куннинг долзарб вазифаларидан бирига айланмоқда. Чет тилини ўқитишнинг асосий вазифалари жамият ва давлат манфаатларидан келиб чиққан ҳолда белгилангани боис, уни ўқитишга ва ўрганишга мўлжалланган ҳар бир таълимий ва илмий иш ёки адабиёт жамият талабларига мос келмоғи керак. Зеро, тилшуносликда интеррогативлик категориясининг аҳамияти, тилнинг шакл ва мазмун томонларининг ўзаро узвий алоқасини таърифлаш ва анъанавий синтаксиснинг баҳсли масалаларини тизимли ўрганиш тобора долзарб масалага айланмоқда