MILLIY NON MAHSULOTLARINI SIFAT VA XAVFSIZLIK KO’RSATKICHLARI

Аннотация

Milliy non mahsulotlari inson ovqatlanishida muhim ahamiyatga ega bo‘lgan oziq-ovqat mahsulotlaridan biridir. Non mahsulotlarining sifati va xavfsizligi aholining salomatligiga bevosita ta’sir ko‘rsatadi. Shu sababli, ushbu mahsulotlarning ishlab chiqarish, saqlash va iste’molga yetkazish bosqichlarida sifat va gigiyena talablariga qat’iy rioya etilishi lozim. Mamlakatimizda ishlab chiqarilayotgan milliy non turlarining organoleptik, fizik-kimyoviy va mikrobiologik ko‘rsatkichlari bo‘yicha tekshirishlar olib borish, ularning standartlarga mosligini aniqlash orqali iste’molchilar xavfsizligini ta’minlash mumkin. Tadqiqot ishida tandir non, samarqand noni va baton nonlari namunasi sifatida olinib, ularning namlik, kislotalilik, oqsil miqdori kabi asosiy sifat ko‘rsatkichlari tekshirildi. Olingan natijalar amaldagi sanitariya-gigiyenik me’yorlar va standartlar bilan taqqoslab tahlil qilindi.