“Алпомиш” достонидаги Добонбий ва Алпинбий антропонимлари хусусида

Аннотация

Мақолада ўзбек фольклорининг сара намунаси – “Алпомиш”достонидаги бош тимсоллар Ҳакимбек ва Барчиннинг боболарининг исмлари – Добонбий ва Алпинбий антропонимларининг номинацион-мотивацион, этимологик, лексик-семантик, услубий, функционал хусусиятлари ёритилган. Бадиий асарлар, жумладан, халқ достонларидаги ҳар бир атоқли махсус ном – ономастик бирлик маълум номинатив, функционал, стилистик вазифа бажаради. Достонлардаги ономастик бирликлар қатори киши исмлари – антропонимлар ҳам маълум маъно-моҳият ва вазифага эга. Бу ўзбек халқи фольклорининг қадимий, сара намунаси бўлган “Алпомиш” достонидаги тимсолларни ифодаловчи антропонимларда ҳам ёрқин кузатилади.