Iqlim o’zgarishining farg’ona vodiysi suv resurslariga ta’siri

Аннотация

Hozirgi kunda dunyoda, ayniqsa, arid hududlarda suv resurslari muhofazasi va ulardan samarali foydalanish dolzarb muammolardan hisoblanadi. Jahonning ba’zi arid hududlari suv resurslari yetishmasligi tufayli ekologik inqiroz o’choqlariga aylanmoqda. Ushbu muammo dunyo hamjamiyati e’tiborini o’ziga tortmoqda. Birlashgan Millatlar Tashkiloti “Global miqyosda suv resurslariga bo’lgan talabning o’sishi 1% ni tashkil etadi... . Kelgusi ikki o’n yilliklar davomida ushbu talab sezilarli darajada ortadi. Sanoat va maishiy sohalarning suvga bo’lgan talabi qishloq xo’jaligidagiga nisbatan ancha tezroq o’sadi”1 deb hisoblaydi. Bu holat suv resurslaridan samarali foydalanishda daryolarning gidrologik rejimi va suv bilan ta’minlanganligining hozirgi holatini hisobga olishni taqazo etadi.