Boshlang‘ich sinf o‘quvchilarining adabiy-estetik tarbiyasini shakllantirishda she’riy asarlarning ahamiyati va ularni o‘qitish metodikasi

Аннотация

Ushbu maqolada boshlang‘ich sinflarda “O‘qish kitobi” fanidan o‘quvchilarda adabiy-estetik dunyoqarashni shakllantirish va nutqiy malakalarni takomillashtirishning nazariy-metodik asoslari tatqiq etilgan. She’riy asarlarni yod olish o‘quvchida xotirasi bilan bog‘liq jarayon bo‘lsa-da, she’rdagi estetik mohiyat, hissiy-emotsional ifoda, badiiy latofat uning qalbiga ham “yuqadi”, hislarini tarbiyalashga, kommunikativ, og‘zaki va yozma nutqiy kompetensiyalarini rivojlantirishga, ma’naviyatini boyitishga munosib hissa qo‘shadi. Shuning uchun ham bugungi adabiy ta’limda o‘quvchilarni ko‘proq she’r yodlashga undash joiz.