Муҳаббат мавзусини тавсифлашда халқ анъанаси билан уйғунлик

Аннотация

Мақолада Мустақиллик даври қорақалпоқ шеърияти ҳақида сўз қилинади. Бунда шоирлар Х.Даўлетназаров, О.Сатбаев, Б.Сейтаевнинг муҳаббат лирикаси таҳлил қилинади. Шоирлар лирикасидаги халқ мотив, дидактиканинг янгича турланиши мисоллар билан кўрсатилади. Шоирлар ҳақида илгари айтилган фикрларни инобатга олади. Шунингдек, муҳаббатни васф қилишда ҳар шоирнинг ўзига хос услубига тўхталиб ўтади. Ишқ-муҳаббат, ҳижрон азоблари, Ватанга муҳаббат ва ватан олдидаги фарзандлик бурч, миллат тақдири учун жон куйдириш, ўз навбатида халқи билан фахрлана билиш, севган ёри, онага бўлган муҳаббат − бу абадий ўлмайдиган мавзулар. Қорақалпоқ лирикаси тарихига назар ташлаганимизда халқ оғзаки ижоди намуналаридан, Шарқ адабиёти орқали етиб келган куй ва достонлардан муҳаббат лирикасининг ажойиб намуналарини кўрамиз.