Ўзбек ва инглиз тиллари электрон поэтик луғатини яратишда тимсоллар тасвири

Аннотация

Ушбу мақолада инсон қиёфаси, феъл атвори ва табиат тасвирининг икки тиллик поэтик луғатини яратиш бугунги куннинг муҳим талаби эканлиги борасида фикр юритилган. Яратилаётган луғатда инсон қиёфаси ва феъл-атвори тасвири, табиат тасвири ҳамда миллий тимсоллар тасвири акс эттирилади. Шунингдек, мақолада инглиз ва ўзбек тилларидаги бадиий тасвир воситалари икки тилда қиёсланади. Бадиий таржима мамлакатлар цивилизациясининг илк босқичлариданоқ маданият ва эстетик қарашлар алмашинувида етакчи ўрин эгаллаб келган. У мураккаб жараён ҳисобланади ва таржимондан юксак маҳорат талаб этади. Инсон бир кечада ёки қисқа муддатда бадиий таржимон бўлиб шакллана олмайди, бадиий таржима қилиш кишидан юксак қобилият ва тажриба талаб қилади. Мамлакатда бадиий таржима соҳаси ривожланса, у жаҳонга юз тутади, миллатнинг маданий мероси бутун дунёга тарғиб қилинади.