Ревматоид артрит касаллигида мушаклар зарарланишларининг клиник-иммунологик диагностикаси ва даволаш усулларини оптималлаштириш

Аннотация

Дунёда ревматоид артрит (РА) аҳолининг барча этник гуруҳлари орасида кенг тарқалган касалликлар қаторига кириб, умумий популяцияда 2% гача учрайди. РА билан аёллар эркакларга нисбатан 5 марта кўпроқ касалланишади. Жаҳон соғлиқни сақлаш ташкилоти (ЖССТ) маълумотларига кўра ҳар йили ревматоид артрит касаллиги билан касалланганлар сони 3–4% атрофида кўпаймоқда. «…ревматоид артрит асосан бўғим касаллиги деб ҳисобланганлиги сабабли, унинг бўғимдан ташқари намоён бўлувчи кўринишлари кўпинча эътибордан четда қолиб келади....»1. Айни пайтда ревматоид артрит билан касалланган беморларда мушаклар зарарланишларини эрта ташхислаш ва касалликнинг оғир асоратларини олдини олиш учун патогенетик жихатларини ахамиятга олган холда даво муолажаларини буюриш, касалликнинг қайталанишлар сонини камайтириш, тиббиётда ечими топиш энг муҳим ва муаммоли масалаларидан бири ҳисобланади.