Kasb-hunar kolleji o’quvchilarida axborot madaniyati shakllantirishning ijtimoiy pedagogik asoslari

Аннотация

Mamlakatimiz hayotning barcha tomonlarini demokratlashtirish va insonparvarlashtirish, o`zbek xalqi madaniy kuch-qudratini ma‘naviy jihatdan tiklash, g`oyaviy jihatdan yangilash va anglashdan iborat muhim vazifalarni olg`a surmoqda. Bu borada 1997 yil 29-avgustda O`zbekiston Respublikasining Oliy Majlisida "Kadrlar tayyorlash Milliy dasturi" va "Ta‘lim to`g`risida"gi Qonun qabul qilindi. Bu hujjatlar ta‘lim sohasida muhim burilish yasadi. Unda ta‘lim sohasidagi davlat siyosatining asosiy prinsiplari, ta‘lim tizimi, uning boshqaruv tarkibi, o`qituvchi-pedagoglarning huquq va burchlari, ta‘lim sohasidagi bosh maqsad – demokratik, insonparvarlik tamoyillarini qaror toptirish, xalq milliy an‘analari va urf-odatlari, shuningdek, umumbashariy qadriyatlar asosida ta‘limtarbiya mazmunini tubdan yangilash, pedagogik jamoalar tashabbuskorligiga keng imkoniyat yaratishdan iborat ekanligi ta'kidlangan.