Kasb–hunar kolleji o`quvchilarida o`quv-tarbiya jarayonining pedagogik diagnostikasining o`ziga xos xususiyatlari

Аннотация

Respublikamiz mustaqillikka erishgach, ta’lim-tarbiya jarayoni qayta ko`rib chiqilib uni rivojlantirish uchun bir qancha yangi asoslar yuzaga keldi. Jumladan “Ta’lim to`g’risidagi” Qonun, «Kadrlar tayyorlash milliy dasturi”ning yaratilishi ta’limni tubdan isloh qilish, uni o`tmishdan qolgan mafkuraviy qarashlar va sarqitlardan to`la halos etish, rivojlangan demokratik davlatlar darajasida, yuksak ma’naviy va axloqiy talablarga javob beruvchi yuqori malakali kadrlar tayyorlash imkoniyatini berdi. Zero o’zbekiston Respublikasining Birinchi Prezidenti ta’kidlagandek: “Hech shubhasiz, buyuk ajdodlarimiz merosiga tayangan holda hozirgi zamon va taraqqiyotning yangi va yuksak cho’qqilarini egallashga intilishimiz, o’zimizning nimalarga, qanday ulkan ishlarga qodir ekanligimizni namoyon etishimiz, barchamiz, avvalo, navqiron avlodimiz uchun ham qarz, ham farz bo’lishi shart”.