O‘rama ko‘rinishidagi integro-differensial issiqlik o‘tkazuvchanlik tenglamasi uchun teskari masalalar

Аннотация

Hozirgi kunda jahon miqyosida matematik fizikaning eng tez rivojlanayotgan sohasi – teskari masalalarni tadqiq qilish usullariga alohida e’tibor qaratilmoqda. Bu soha fizika va texnika fanlaridagi eng muhim matematik muammolardan biriga aylandi. Ushbu muammoning juda keng doirada qo‘llanilishi, uning nazariyasining yangiligi va murakkabligi sababli ko‘plab olimlarning e’tiborini tortdi. So‘nggi yillarda issiqlik tarqalish jarayonlarini boshqarish jadal rivojlanmoqda, chunki har bir muhitning issiqlik o‘tkazuvchanligi va relaksatsiya funksiyasi turlicha bo‘lib, bu kattaliklar muhitning boshlang‘ich holatiga va xossalariga chambarchas bog‘liqdir. Shu sababli integro–differensial issiqlik o‘tkazuvchanlik tenglamalari uchun boshlang‘ich, boshlang‘ich-chegaraviy masalalar hamda ularga qo‘yilgan teskari masalalarni o‘rganish maqsadli ilmiy tadqiqotlar hisoblanadi.