Бошқарув ҳисоби ва бошқарув таҳлилининг ўзаро боғлиқлиги, хусусиятлари ва уларнинг корхоналарни бошқаришдаги роли.

Аннотация

Бозор муносабатларининг шаклланиши ўзига хос иқтисодий дастакларнинг ҳам кириб келишини тақозо қилди. Улар ичида бошқарув ҳисоби ва таҳлили ҳам ўзига хос хусусиятларга эга.Режали иқтисодиёт шароитида бошқарув ҳисобининг ўрнига ички ёки тезкор ҳисоб тушунчаси қўлланилган бўлса, бошқарув таҳлили ўрнига ички ёки тезкор таҳлил қўлланилар эди. Ўша пайтдаги социалистик мусобақа корхоналарнинг бошқариш усулларини маълум даражада сир тутишга ҳожат ҳам қолдирмас эди.Бозор муносабатларининг вужудга келиши рақобатни вужудга келтирди. Рақобат эса, ўз навбатида корхоналар иш услуби, тижорат, ишлаб чиқариш, технологик жараёнларни сир тутишни тақозо қилмоқда. Ушбу жараёнлар бухгалтерия ҳисоби ва иқтисодий таҳлил таркибидан бошқарув ҳисобини ва бошқарув таҳлилининг ажралиб чиқиши заруриятини туғдирди