Мева-сабзавотчиликда ҳужайра муҳандислиги

Аннотация

Машғулотни ўтиш тартиби: Биотехнологик лабораторияларни ташкил этиш ва унда ишлаш қоидалари билан танишадилар. Биотехнологик лабораторияларнинг асосий асбоблари ва жиҳозларидан фойдаланиш усулларини ўрганадилар. Керакли асбоблар: Биотехнологик лабораторияларида фойдаланиладиган асосий асбоб-ускуналар: автоклав, термостат, қуритиш шкафи, ламинар бокс, микроскоп ва бошқа асбоблар, идишлар. Биотехнология лабораторияси учун ажратилган хона ёруғ, кенг, унинг табиий ёритилганлиги 110 лк дан кам бўлмаслиги керак. Лаборатория хонасининг тагига осон ювиладиган линолеум тўшалган, столларнинг сирти пластик материаллар билан қопланган бўлиши керак. Хона деворларини ердан 170 см баландликгача кафел билан қоплаш ёки мой бўёқ билан бўяш зарур. Биотехнология хонасидаги столлар лаборатория типида ва у ерда реактив ҳамда идишларни қўйиш учун шкаф ва пештахталар бўлиши керак. Столлар электр ва газ тармоғига уланган манбага эга бўлиши талаб этилади.