Қовушқоқ-эластик уч қатламли цилиндрик жисмларда хос ва ностационар тўлқинлар тарқалишининг илмий асослари

Аннотация

Жаҳонда қовушқоқ-эластик уч қатламли жисмларда тўлқин тарқалишини ўрганиш деформацияланувчан қаттиқ жисмлар механикасида муҳим масалалардан бири ҳисобланади. Шу жиҳатдан замонавий машина элементлари ва қурилмалари ҳар хил динамик (квазистатик) кучлар остида ишлайдиган полимер композит материалларнинг кенг қўлланилиши билан характерланади, конструкция элементларининг турли хил параметрларини ўзгартиришга жиддий чекловлар қўйишни талаб қилади. Бу борада, кўпгина хорижий давлатларда, жумладан, Россия, Германия, Канада, Хитой Халқ Республикаси, АҚШ давлатларида полимер қовушқоқ-эластик қатламли жисмлар ва конструкцияларни динамик шароитидаги кучланишлар концентрациясининг минимал тақсимланишини таъминловчи ишончли ҳисоблаш методикасини яратишга алоҳида эътибор қаратилмоқда.