ҚОРА МЕТАЛЛУРГИЯ САНОАТИ КОРХОНАЛАРИДА ХАРАЖАТЛАРНИ БОШҚАРИШ ВА БУХГАЛТЕРИЯ ҲИСОБИНИ ТАКОМИЛЛАШТИРИШ

Аннотация

Жаҳон иқтисодиётида қора металлургия саноати алоҳида ўринга эга бўлиб, металлни қайта ишлаш, машинасозлик, энергетика, қурилиш ва транспорт соҳаларини керакли ҳомашё билан таъминлайди. Жаҳон темир уюшмаси (АУогШ 81ее1 Аззоз^абоп А¥СА) маълумотларига кўра, қора металлга бўлган талаб ривожланаётган мамлакатларда 2016 йилда 2 фоизга, 2017 йилнинг 3 чорагида эса 1,4 фоизга, ривожланган мамлакатларда 2016 йилда 0,2 фоизга 2017 йилнинг 3 чорагида 1,1 фоизга ўсган[114]. Жаҳонда иқтисодиётни ривожлантириш учун, саноатда маҳсулот ишлаб чиқариш таннархини пасайтириш натижасида ишлаб чиқаришни ривожлантириш ва маҳсулот рақобатбардошлигини оширишга қўшимча имкониятлар яратилган. Мустақиллик йилларида мамлакатимиз саноат тармоқлари маҳсулотларининг жаҳон бозорларидаги рақобатбардошлигини таъминлаш, уларни ишлаб чиқариш жараёнларини техник-технологик жиҳатдан замонавий асосларда ташкил қилиш ва маҳсулот ишлаб чиқаришда таркибий ўзгаришларни амалга оширишга алоҳида аҳамият қаратилди.