Барабанда пахта компонентларини қуриш бир текислигини таҳлили

Аннотация

Мақолада пахтани қуритишда компонентлари намликларига қуритиш температурасини таъсирини ҳамда қуриш бир текислигини таҳлили асосида толани ортиқча қуриб кетиши имкониятларини аниқлаш мақсади қўйилган. Пахта тозалаш корхоналарида ишлаб чиқарилаётган тола намлигини пастлигини асосий сабаблари келтирилган. Қуритиш температурасини турли қийматларида пахта компонентларини қуриши улар орасидаги намлик фарқлари аниқланган. Пахта, тола ва чигит намликларини қуритишдан кейинги қийматларини ўзаро фарқларини регрессия тенгламалари олинган. Қуритиш бир текислиги таҳлил қилиниб уни қуритиш сифати жумладан пахта компонентларини бир хил қуришини характерловчи кўрсаткич сифатида қабул қилиниши, қайта қўриб чиқилиши керак бўлган масала эканлиги таъкидланган. Қуриш бир текислигини аниқлашни формуласи таклиф этилган. Қуритиш температурасини хисобига пахта компонентларини қуритишда ўзаро намлик фарқларини камайтириш имконияти катта эмаслиги аниқланди. Пахта компонентларини қуритиш объекти сифатида кимёвий тузилиши иссиқлик, намлик ва гигроскопик хоссалари ҳар хил бўлиши қуритилган пахта, тола ва чигит намликларида катта фарқ бўлишини асосий сабабларидан бири эканлиги очиб берилди. Пахтани қуритишда қуриш температураси 130 0 бўлганда қуриш бир текислигига таъсир этиш имконияти мавжудлиги аниқланди.