Тоғ жигарранг тупроқларининг хилма хиллигини сақловчи айрим табиий омиллар тавсифи

Аннотация

Мавзунинг долзарблиги. Тупроқ- умумхалқ бойлиги, у доимо инсон ҳаёти учун зарур бўлган озиқ-овқат ҳомашёси ва маҳсулотларини етиштириш учун асосий манба, макон ҳисобланади. Президент И.А.Каримов (2009) “Жаҳон молиявий-иқтисодий инқирози, Ўзбекистон шароитида уни бартараф этишнинг йўллари ва чоралари” номли гениал асарида мамлакатни иқтисодий инқироздан сақлаб қолишнинг асосий омилларидан бири – ер ресурсларидан самарали фойдаланиш йўли билан аҳоли учун керакли қишлоқ хўжалик маҳсулотларини етиштириб бериш ҳисобида бўлишини алоҳида таъкидлайди. И.А.Каримовнинг (1999) “Қишлоқ хўжалик тараққиёти – тўкин ҳаёт манбаи” деган башорати мамлакат ҳаётида ҳақиқатга айланди. И.А.Каримов ўзининг БМТ САММИТИ минг йиллик ривожланиш мақсадларига бағишланган ялпи мажлисидаги нутқида (2010 йил сентябр) экологик вазиятни яхшилаш, атроф-муҳитни асраб-авайлаш умумдавлат миқёсидаги энг долзарб масалалардан бири эканлигини кўрсатиб, бу борада эришилган ютуқлар республика иқтисодиётини ривожлантиришда қишлоқ хўжалиги соҳасида олиб борилган тўғри сиёсатнинг натижаси эканлигини қатъий таъкидлайди.