LINGVISTIK IDENTIFIKATSIYA VA MADANIY KODLAR

Аннотация

Ushbu maqolada til va madaniyatning o‘zaro ta’siri asosida shaxsning lingvistik va madaniy identifikatsiyasi jarayoni tahlil qilinadi. Til nafaqat aloqa vositasi, balki shaxsning ijtimoiy va madaniy o‘zini anglashida muhim vosita sifatida qaraladi. Tadqiqotda lingvistik shaxs modeli (Karaulov, 1987) hamda leksik-semantik yondashuv (Wierzbicka, 1997) asosida shaxsning nutqiy shakllanishi sotsiokognitiv nuqtai nazardan yoritiladi. Interdisiplinar metodologiya asosida olib borilgan tahlillar, xususan, korpus lingvistikasi, sotsiolingvistik kuzatuv va nazariy tahlil shaxsning madaniy kodlarni o‘zlashtirish darajasi bilan lingvistik identifikatsiyasi qanday bog‘liqligini ochib beradi. Tadqiqot natijalari shuni ko‘rsatadiki, insonning lingvistik rivojlanishi biologik, psixologik, ijtimoiy va madaniy omillar o‘zaro ta’sirida shakllanadi. Zamonaviy raqamli texnologiyalar va globallashuv jarayoni esa bu shakllanishga yangi omillar sifatida kuchli ta’sirko‘rsatmoqda. Kalit so‘zlar: lingvistik shaxs, madaniy kodlar, leksik-semantik tahlil, kommunikativ kompetensiya, sotsiokognitivyondashuv, lingvistikidentifikatsiya.