Мактабгача таълим ёшидаги болаларни тасвирий фаолият орқали предметлар билан таништириш методикаси

Аннотация

Жаҳонда болаларни тасвирий фаолият орқали атроф-муҳит ва ташқи олам билан таништириш, шу мақсадда мактабгача таълим-тарбия тизимига шахс ҳар томонлама камолоти учун хизмат қиладиган инновацион ўқитиш технологияларини татбиқ этиш глобал ижтимоий тараққиётнинг устувор тенденцияси ҳисобланади. Бугунги кунда ривожланган мамлакатларда шахсни тасвирий фаолиятга ўргатиш орқали ҳар томонлама ривожлантириш қонуниятларини аниқлаш орқали мактабгача ёшдаги болаларни маънавий-ахлоқий жиҳатдан тарбиялаш инсоният маданиятининг юксалиш омилларидан бири сифатида эътироф этилмоқда. Атроф-муҳит билан таништириш жараёнида мактабгача ёшдаги болаларнинг шахсий сифатларини ривожлантириш, ижодкорликка ўргатиш жаҳон миқёсида муҳим педагогик аҳамият касб этмоқда.