Ёнилғи насоси электр тизимининг ишлаш жараёнини математик моделлаштириш ва оптималь бошқариш

Аннотация

Мақолада электрли ёнилғи насосини математик моделлаштириш ва бошқариш усулларини қўллаш орқали ёнилғи насосининг электр тизими параметрларни оптималлаштириш масаласи кўрилган. Марказдан қочма электрли ёнилғи насослари ишлаш жараёнининг иккинчи тур Лагранж тенгламалари асосида математик модели ва Понтрягиннинг максимум принципи асосида оптимал бошқарув алгоритми ишлаб чиқилган. Электрли ёнилғи насосининг ишлаш жараёнини тадқиқ қилиш учун Рунге-Кутта сонли усулини қўллаш асосида ҳисоблаш эксперименти ўтказилган ва ёнилғи насосига бериладиган электр токи қўзғалиши орқали бошқариладиган насос босими параметрлари аниқланган.