Мактабгача катта ёшдаги болаларда халқ оғзаки ижоди воситасида миллий ғурур ҳиссини шакллантириш

Аннотация

Жаҳон миқёсида ёш авлодни миллий ифтихор руҳида тарбиялаш, миллий маданиятни ривожлантириш баркамол шахс камолотини таъминловчи асосийомил сифатида намоён бўлмоқда. Шу мақсадни кўзлаган ҳолатда инновацион таълим-тарбия жараёнигашахсни маънавий-маърифий, маданий шакллантиришга асос бўлувчи ўқув материаллари ва таълим технологияларидан унумли фойдаланиш бугунги кунда тараққиётнинг глобал тенденцияси ҳисобланади. Айни вақтда Япония, Жанубий Корея ва Германия каби ривожланган мамлакатларда шахсни маънавий-ахлоқий ривожлантиришнинг назарий-амалий асосларини уйғунлаштирган, тафаккур маҳсули халқ оғзаки ижоди воситасида миллий ғурур туйғуларига эга инсонни камол топтириш қонуниятларини тадқиқ этиш инсоният маданиятининг юксалиш омилларидан бири сифатида эътироф этилмоқда.