Мактабгача ёшдаги болаларни ҳаракатли ўйинлар орқали жисмоний сифатларини ривожлантириш

Аннотация

Жаҳон таълим тизимида пандемия шароитида масофадан туриб таълим бериш шакли амалга оширилиши билан, оилада болаларни жисмоний фаолликка йўналтириш баробарида, уларда жисмоний тарбиянинг асосий шаклларини амалга оширишга эътибор кучайтириш лозимлиги намоён бўлмоқда.Бугунги кунда мактабгача таълим тизимида болаларни жисмонан соғлом ривожлантириш, айниқса, глобализация даврида кичкинтойларни уяли алоқа воситалари (виртуал олам) дан эътиборини тортган ҳолда фаол жисмоний ҳаётга чорлаш, соғлом турмуш тарзини олиб бориш, ёш авлоднинг жисмоний тарбияси, жисмоний тайёргарлигини ва жисмоний сифатларини ошириш, кичкинтойларнинг электрон ўйинларга эмас балки очиқ ҳавода бажариладиган жисмоний машқлар ва ҳаракатли ўйинларни ўйнашга имкониятларини оширишга қаратилмоқда. Мактабгача ёшдаги болаларнинг жисмоний тарбиялашнинг асосий вазифаси уларни эрта таълимга йўналтириш ва жисмоний фаолликка бўлган эхтиёжини таъминлашни талаб қилмоқда.