Чидамкорликни устувор ривожлантириш асосида футбол ҳакамларининг маҳсус жисмоний тайёргарлигини такомиллаштириш

Аннотация

Дунёда футбол ўйинининг суръати футболчиларнинг жисмоний тайёргарлик даражасини доимий ўсиб бориши билан боғлиқ бўлиб шу орқали майдондаги ҳаракатлар кўлами жадал ўсиб бормоқда. Ушбу омил футбол ҳакамларининг жисмоний тайёргарлигига ҳам юқори талабларни қўймоқда. “Ўйин шиддатининг ошиб бориши ҳакамларнинг ҳам жисмоний тайёргарлик даражасини ошириш ва уларнинг ўқув машғулотлари сифатини яхшилаш талабини келтириб чиқармоқда”. Футбол ҳаками ўйин эпизодларида тўғри жой танлаши ва вазиятларни кетма-кетлигида юзага келтирадиган жараёнларни одилона баҳолай олиши муҳим аҳамият касб этади. Дунёда футбол ҳакамларининг ўйин фаолиятида ҳаракат самарадорлигини ўрганиш ва таҳлил қилиш бўйича кўплаб тажрибалар тўпланган бўлиб уларнинг машғулот юкламаларини меъёрлаш ва тезкор футбол учрашувларига мувофиқ тарзда воситаларни оптималлаштириш долзарб муаммо саналмоқда.