Бошланғич синф ўқувчилари орасида педагогик конфликтларни бартараф этиш технологияси

Аннотация

Жаҳон таълим тизимида ўқитиш сифатига таъсир этувчи омиллар, шарт-шароитлар ва муносабатларни ўрганиш, уларни таҳлил ва тасниф қилиш билан боғлиқ тадқиқотларга эҳтиёж ортмоқда. Шиддат билан ривожланиб бораётган бугунги кун давлатлар ва инсоният ҳамжамияти олдига долзарблиги ва аҳамияти тобора ортиб бораётган талабларни қўймоқда. Юксак мақсадларга эришиш, барқарор ривожланиш йўлига чиқиш учун мамлакатларнинг замонавий фикрлайдиган, билимли ва салоҳиятли кадрларга бўлган эҳтиёжини сифатли қондириш талаб этилади. Рақобатбардош ва давр талабига мос кадрларга бўлган эҳтиёжни қондириш сифатли таълим орқали амалга оширилиши мумкин. Шу маънода, сифатли таълим учун яратилган шарт-шароитлар, хусусан, педагогик муносабатларни бугунги давр талаблари асосида таҳлил қилиш, илмий-педагогик муаммо сифатида тадқиқ қилиш ва халқаро таълим дастурлари талаби асосида таълим тизимини ривожлантириш долзарб аҳамият касб этмоқда.