Бир жинсли бўлмаган муҳитда инфильтрация ёки буғланиш ва конвектив кўчиш иштирокидаги чизиқсиз фильтрация жараёнларини сонли моделлаштириш

Аннотация

Диссертация мавзусининг долзарблиги ва зарурияти. Маълумки, чизиқсиз жараёнларни ўрганиш янги муаммоларнинг туганмас манбаи бўлиб, бу жаҳон миқёсида математик таҳлил соҳаларида янги усулларни жорий этишга, хусусий дифференциал тенгламаларга асосланган чизиқсиз масалаларга келтирилади. Замонавий таҳлилнинг янги усулларининг муваффақияти математикага чизиқли бўлмаган дунёдаги муҳим саволларга қатъий жавоб беришга имкон беряпти. Физик жараёнларнинг чизиқли математик моделларини ўрганиш, уларни ечишнинг қисман ишлаб чиқилган умумий усуллари чизиқли дифференциал тенгламаларни ўрганиш учун мос келади. Амалда эса энг долзарб физик муаммолар ночизиқли кўринишда бўлиб, бу каби жараёнларни аниқ тасвирлаш учун чизиқли бўлмаган математик моделлардан фойдаланиш, сонли ечиш алгоритмлари ва амалий дастурлар мажмуини яратиш муҳим вазифаларидан бири бўлиб қолмоқда