Farg'ona vodiysida tarqalgan scutellaria comosa juzning fitotsenologiyasi va tarqalishi

Аннотация

Bugungi kunda jahonda farmatsevtika sanoatining rivojlanishi natijasida, yangi dorivor o‘simliklarni aniqlash va ulardan moddalarni ajratib olish, biologik faolligini aniqlash hamda ularni amaliyotga tadbiq etish borasidagi tadqiqotlarning ko‘lami tobora ortib bormoqda. Yer yuzida aholi sonining ortishi hamda yer maydonlarining o‘zlashtirilishi natijasida tabiiy resurslar, jumladan, o‘simliklarning tabiiy zaxiralari xilma-xilligining kamayishi va yo‘qolishiga sabab bo‘lmoqda. Bu o‘rinda dorivor va xo‘jalikdagi ahamiyati yuqori bo‘lgan o‘simliklarning tabiiy zaxirasini xatlovdan o‘tkazish hamda uning zamonaviy holatini baholash muhim ko‘rsatkichlardan hisoblanadi. Shunga ko‘ra, tabiiy holda tarqalgan dorivor o‘simliklarning tarqalishini belgilash va zamonaviy holatini baholash dolzarb ilmiy-amaliy ahamiyatga ega.