Алишер Навоийнинг "Руҳ ул-қудс" қасидасида рамзлар талқини

Аннотация

Ўзбек адабиётининг бобокалони Мир Алишер Навоий форс тилида ҳам сўз қадрини баланд кўтарган мумтоз санъаткор эди. Ижодини икки тилда санъат даражасига кўтариш ва Абдураҳмон Жомий сингари устозлар таҳсинига сазовор бўлиш Алишер Навоий номини янада маҳбуб ва улуғвор қилди. Унинг форсий қасидалари, ғазал, рубоий ва марсиялари нафақат бадиий сўз усталари, шоиру фозиллар, балки тожикзабон халқ орасида ҳам шуҳрат қозонган. Шу боис Навоий бу шеърларини йиғиб, “Девони Фоний” номи билан алоҳида китоб қилиб тузган эди. Биз мазкур девон таркибига кирган “Ситтаи зарурия” қасидалар туркумидан гул тимсоллари тасвирига бағишланган парчани таҳлилга тортишни лозим топдик.