ZAMONAVIY TEXNOLOGIYALAR ASOSIDA JINOYATLARNI OLDINI OLISH: O‘ZBEKISTONDA AMALIY YONDASHUV

Аннотация

Maqolada zamonaviy axborot-kommunikatsiya texnologiyalarining jinoyatchilikka qarshi kurashish va huquqbuzarliklarning oldini olishdagi roli tahlil etilgan. O‘zbekiston ichki ishlar tizimida olib borilayotgan raqamli islohotlar, xususan videokuzatuv vositalari, biometrik texnologiyalar, sun’iy intellekt asosidagi monitoring tizimlari va avtomatlashtirilgan axborot bazalari orqali jamoat xavfsizligini ta’minlash masalalari yoritilgan. Tadqiqotda Muzrabot tumani IIB tajribasi asosida texnologik yondashuvlarning amaliy samarasiga alohida e’tibor qaratilgan. Shuningdek, ichki ishlar organlari faoliyatida uchrayotgan texnik, tashkiliy va huquqiy muammolar tahlil qilingan, ularni bartaraf etish bo‘yicha takliflar ilgari surilgan. Maqola jinoyatlarni fosh etishdan ko‘ra, ularning oldini olishni raqamli yechimlar orqali ta’minlashning istiqbollarini ko‘rsatib beradi. Shuningdek, ushbu yondashuvning xalqaro tajribalar bilan bog‘liqligi vamahalliy sharoitgamoslashuvi asosidatahliliy xulosalarkeltirilgan. Kalit so‘zlar: jinoyatchilik, huquqbuzarliklar profilaktikasi, ichki ishlar tizimi, zamonaviy texnologiyalar, videokuzatuv, sun’iy intellekt, biometrik tizimlar, raqamlashtirish, jamoat xavfsizligi, profilaktikainspektori, axborottizimlari, “xavfsiz shahar”.