GEOAXBOROT TIZIMINING ILMIY ASOSLARI

Аннотация

Mazkur oʻquv qoʻllanmadan koʻzlangan maqsad zamonaviy axborot tizimi hisoblangan geoaxborot tizimi fanini, uning ilmiy, nazariy va amaliy asoslarini oʻrganishdan iborat. Geoinformatika mutaxassisligi boʻyicha ta’lim olayotgan magistr talabalar ushbu qoʻllanmadan geoaxborot tizimining ilmiy tomondan qoʻllanilishi, geoinformatika magistrlik dasturidagi boshqa fanlarni tushunish hamda geodeziya, kartografiya, yer resurslarini boshqarish va boshqa tarmoqlarda geoinformatika sohasini oʻz ilmiy ishlarida tatbiq etish bilim va koʻnikmalarini olishda foydalanishlari mumkin. Bundan tashqari, oʻquv qoʻllanma magistrlarga geoinformatika sohasining asosiy vazifalari hisoblangan ma’lumotlarni kiritish, qayta ishlash, saqlash va fazoviy ma’lumotlar koʻrinishida tasvirlash koʻnikmalarini oshirishda katta yordam beradi.