ЗАРАФШОН ВОҲАСИ ҚАЙТАРМА-ОҚОВА СУВЛАРИНИНГ ШАКЛЛАНИШИ, УЛАРНИ ТОЗАЛАШ ВА ИККИЛАМЧИ ФОЙДАЛАНИШ

Аннотация

Дунёнинг арид минтақаларида сув ва ҳаётни бир-биридан ажратиб бўлмайди. Бу ерларда сув озиқ-овқат ишлаб чиқаришида, одамлар соғлиғини муҳофаза қилишда, уларнинг муносиб ҳаёт ва ривожланишини таъминлашда асосий омил ҳисобланади. БМТнинг жаҳон сув ресурсларининг ҳолати ҳақидаги Янги докладида қуйидагилар таъкидланади: “... сув ресурсларига босимнинг доимий ортиб бориши нафақат иқтисодиётнинг турли тармоқлари орасида, балки регионлар ва мамлакатлар ўртасида ҳам рақобатнинг кучайишига олиб келиши мумкин”. Бу ҳолат арид регионлари сув ресурсларини ўта оқилона бошқариш ва улардан самарали фойдаланиш лозимлигини кўрсатади.