ИНГЛИЗ, ЎЗБЕК ВА ТОЖИК МИЛЛИЙ МАДАНИЯТИДА “ГЎЗАЛЛИК” КОНЦЕПТИНИНГ ЛИСОНИЙ ХУСУСИЯТЛАРИ

Аннотация

Дунё тилшунослигида тил ва маданият муаммоларининг антропоцентрик йўналишда тадқиқ этилиши турли миллатлар эстетик онги, тафаккури ва баҳолаш категориясининг лисонда ифодаланиш тамойиллари, менталлик ва миллат менталитетининг тилда акс этиш ҳодисалари аксиология, семиотика, прагматика, концептология ва лингвомаданиятшунослик соҳасига оид тадқиқотларини янада жадаллаштирди. Натижада, тафаккур бирлиги бўлган концептларнинг лексик-семантик майдонини яратиш, уларнинг лисоний тафаккур харитасини шакллантириш, тил бирликларининг концептуал изоҳига доир амалий натижаларга эришилди. Айни пайтда миллий-маданий жиҳатдан фарқланадиган Шарқ ва Ғарб қадриятини ифодаловчи уч тил тизимидаги концептларнинг лисоний хусусиятларини асослаш, баҳо категориясининг лисонда ифодаланишини ўрганиш, тил бирликларининг маданиятлараро концептуал муштарак ва фарқли жиҳатларини жаҳон тилшунослигининг сўнгги ютуқларига таянган ҳолда тадқиқ қилиш учун кенг имкониятлар яратилди.