S-blokni ifodalovchi algebraik tenglamalar sistemasini qurish algoritmi

Аннотация

Ma'lumotlar mahfiyligini ta’minlashda ishonchli (kriptobardoshli) shifrlash algoritmlaridan foydalanish talab etiladi. Shifrlash algoritmlari ishonchliligini aniqlashda esa ularni mavjud kriptotahlil usullari bilan baholash zarur hisoblanadi. Agebraik kriptotahlil usuli shifrlash algoritmlariga qo’llaniluvchi zamonaviy kriptotahlil usullaridan biri bo’lib, blokli va uzluksiz shifrlash algoritmlariga nisbatan keng qo’llanilmoqda. Shifrlash algoritmini algebraik kriptotahlil usuli bilan baholash jarayonidagi asosiy murakkabliklardan biri, shifr akslantirishlarini ifodalovchi past darajali algebraik tenglamalar sistemasini qurish hisoblanadi. Mazkur maqolada blokli simmetrik shifrlash algoritmlarida foydalaniluvchi o’rniga qo’yish (S blok) jadvalini ifodalovchi ikkinchi darajali chiziqsiz tenglamalar sistemasini qurish usuli (algoritmi) taklif etilgan. Tenglamalar sistemasini qurish uchun S blokning kengaytirilgan chinlik jadvalidan foydalanilgan.