Жаҳон ўқув луғатчилигида тил ва маданият муштараклиги ифодаси

Аннотация

Мақолада жаҳон ўқув луғатларида тил ва маданият ўртасидаги муносабатлар муаммоси назарга олган. Тил оғзаки ва ёзма нутқ кўринишида халқ маданий, маънавий бойликларини лексикаси, фразеологияси, грамматикаси, бадиий адабиёт намуналарини тўплайди, сақлайди ва кейинги авлодга етказиб беради. Тилни, хусусан, она тилини ўрганиш жараёнида ўқувчи авлоддан-авлодга ўтиб келаётган бой маданий мерос, маънавий қадриятларни ҳам ўзлаштириб боради. Бу жараёнда дарсликлар билан бирга турли мактаб луғатлари, ахборот банклари, лексик минимумларнинг роли муҳим. Ўқув луғатининг асосида таълимий мақсад ётиши, яратилган илк луғатлар – антик мактаб қўлланмалари бўлганлиги, ўқув мақсадида яратилгани, кейинчалик луғатлар ўқув адабиёти, дарсликдан узоқлашиб алоҳида жанрга айлангани тадқиқотларда илмий асослаб берилди.