Марказий Фарғона қумликларининг агрофизикавий, агрокимёвий хоссалари, генезиси ва ишлаб чиқариш самарадорлигини оширишнинг илмий асослари

Аннотация

Дунё қишлоқ хўжалиги амалиётида Исроил, Миср, Хитой каби давлатларда ишлаб чиқариш самарадорлиги жуда паст бўлган қумли ерларга қўшимча озиқа бериш йўли билан пахта ҳосилдорлигини гектарига 32-40 центнер олиш имконияти яратилмоқда. Бундан ташқари, турли агротехнологик тадбирларни қумли ва қумлоқли ерларга қўллаш орқали озиқа моддалар билан бойитиш, унумдорлигини тиклаш ва оширишга қаратилган инновацион технологиялар қўлланилмоқда. Унумдорлиги паст, шамол эрозиясига чалинган қумликлар, қум барханлар, қум қаторларини шамол таъсиридан муҳофаза қилиш, бундай ерларда қишлоқ хўжалик экинларини етиштириш ва суғориш шароитида юқори сифатли пахта ва буғдой экинлари ҳосилдорлигини оширишда табиий ва сунъий экранларда турли ўғитларни (N, P, K, маҳаллий ўғит-гўнг, лигнин) мутаносиб нисбатларда қулай муддат, меъёр ва усулларда қўллаш технологиясини ишлаб чиқиш агротупроқшунослик ва агрофизика, пахтачилик ва дончилик соҳаларининг долзарб масалаларидан ҳисобланади.