Шўрланган тупроқларда ғўза ўсимлигини етиштириш учун комплекс таъсир этувчи Rizokom-1 ва серҳосил биопрепаратлари

Аннотация

Дунёнинг кўпгина мамлакатларида тупроқларнинг шўрланиши экиш майдонларини катта қисмининг қиймати ва маҳсулдорлигини пасайишига олиб келмоқда. Тупроқларнинг шўрланиши айниқса, қурғоқчил ва ярим қурғоқчил ҳудудларда қишлоқ хўжалик экинларининг маҳсулдорлигини чегаралайдиган ҳал қилувчи экологик омиллардан биридир. Суғориладиган ерларда сувнинг етишмовчилиги ва нотўғри дренаж қишлоқ хўжалик экинлари маҳсулдорлигини жиддий равишда пасайтиради ва иқтисодий, экологик ва ижтимоий жиҳатдан салбий оқибатларга олиб келади. Тупроқ эритмасида тузларнинг тўпланиши ўсимликлар томонидан сув ва озуқавий моддалар сўрилишини пасайтиради ва осмотик стрессга, ионли токсинлик, озуқавий моддалар балансининг бузилишига ва ўсимликларда сув етишмовчилигига олиб келади. Шу сабабли, қишлоқ хўжалигида янги ресурс тежовчи биоагротехнологияларни ишлаб чиқиш муҳим аҳамиятга эга.