Қорақалпоғистон табиий субстратларидаги барқарор хлороорганик пестицидларнинг микробиологик деградация бўлиши

Аннотация

Жаҳонда баркарор хлорорганик пестицид бирикмалар билан ифлосланган ҳудудларни тозалаш учун микробиологик усулларни ишлаб чиқиш амалий жиҳатдан муҳим ҳисобланади. Бу борада, тупроқ пестицидларни фаол деструкцияловчи микроорганизмларини ажратиб олиш, деструктор-микроорганизмларнинг экстремал ҳарорат, шўрланиш, рН муҳитнинг юқори ва паст кўрсаткичларига чидамли турларини аниқлаш, микроорганизмлар томонидан пестицидларни парчаланиш даражаси ва тезлигини такомиллаштириш, турли таксономик гуруҳларга мансуб бўлган микроорганизмлар асосида пестицидларга қарши биопрепаратларни яратиш истиқболли манбалардан ҳисобланади. Шу сабабли, тупроқларда хлорорганик пестицидларининг деструктор-бактериялар таъсирида деградацияланиш даражасини аниқлаш, тупроқларнинг биологик қайта тикланиш самарадорлигини ишлаб чиқиш муҳим илмий ва амалий аҳамиятга эга.