Бетакрор мўйқалам соҳиби-Сайфулло Субҳонов

Аннотация

Мазкур каталог Сайфулло Субҳоновнинг садоқатли ва севимли умр йўлдоши бўлган ибратли аёл Раъно Субҳонова томонидан рассом таваллудининг 80 йиллигига бағишланади Сайфулло Субҳоновнинг бетакрор асарлари Ўзбекистан тасвирий санъатининг ажралмас қисми бўлиб, рассом бутун ёркин ижодий ҳаётини ўз ватанига бағишлади. 2011 йилда вафот этишдан олдин С.Субҳонов рафиқаси кўзида ёшни кўриб, бироз сукут сақлаб: “Мен жуда бахтли инсонман, чунки севимли касбимда ижод қилдим, севган инсоним билан яшадим. Фақатгина бир армоним шуки, 70 ёшимда шахсий кўргазмамни ташкиллаштириш ва асарларимдан иборат каталогни чоп этишдир” дегандилар. Мазкур каталог рассомнинг сўнгги васияти асосида ижобот бўлди. Раъно Субҳонова ўз турмуш ўртоғига бўлган чексиз муҳаббатини ушбу каталог ва рассомнинг шахсий кўргазмаси орқали барчага ифода этмокда. Унинг бахоси эса келажак авлод хукмига хавола...