ЁШЛАР ИЖТИМОИЙ РЕАЛЛИК ИДРОКИНИНГ ЎЗИГА ХОС ЖИҲАТЛАРИНИ ЭМПИРИК ЎРГАНИЛИШИ

Аннотация

Ушбу тадқиқот ишимизда ёшларни ижтимоий воқеликни идрок қилишининг психологик жиҳатлари тадқиқ қилинган. Ижтимоий реаллик ижтимоий ҳодисаларнинг воқелиги хусусиятларини тавсифлайди. Ижтимоий реаллик ҳам объектив ҳодиса сифатида, ҳам социумда пайдо бўлиб қайта тикланадиган ҳодисалар реаллигини ижтимоий-психологик даражада акс эттирадиган категория сифатида тавсифланиши мумкин. Ижтимоий реаллик кўплик сифатида буюмларнинг эмас, муносабатлар воқелиги сифатида илгари сурилади. Ижтимоий реалликнинг ижтимоий-психологик таҳлили шуни кўрсатадики, уни ўрганиш билан боғлиқ хусусиятлар ижтимоий реалликнинг иккиламчи табиати билан белгиланади. Яъни, бир томондан, унга ашёлар аломатларига эга объектлар тааллуқли бўлса, бошқа томондан, тафаккурий жараён ҳам ўша реалликка мансубдир. Ижтимоий реаллик объектив ва субъектив жиҳатлар узвийлигида идрок этилади. Алоҳида таъкидлаб ўтиш керакки, ҳозирги кунда, айнан объектив ва субъектив жиҳатлар сабаб, ижтимоий реаллик тушунчаси ижтимоий конструкциялаш тушунчаси билан бирга қўлланилмоқда