МАКТАБДА ЎҚУВЧИ НУТҚИГА ҚЎЙИЛАДИГАН АСОСИЙ ТАЛАБЛАР

Аннотация

Инсон тафаккурининг асосий бирлиги фикр, у одатда, фақат тил ёрдамида моддийлашади. Жамиятда фикр алмашиш ижтимоий жиҳатдан қонуний эҳтиёж, ҳаётий зарурат бўлиб, бу эҳтиёж қондирилмаса, зарурат бажарилмаса, жамият тараққиёти ҳақида гапириш ҳам мумкин эмас. Шунинг учун ҳам ҳар бир киши тилдан фойдаланишни билиши, бунинг учун эса грамматик жиҳатдан тилнинг ўзидан хабардор бўлмоғи лозим. Тилни ўрганиш бу фақат унинг грамматик қурилишини билиш, тушунча, таьриф ва қоидаларни ўзлаштириб олиш билан чегараланиш дегани эмас, балки ўша тушунча, таьриф ва қоидаларни амалий жиҳатдан қўллай олиш, она тилининг бой имкониятларидан унумли фойдаланиб, фикрни оғзаки ва ёзма шаклларда тўғри, равон ифодалаш малакаларини эгаллашдан иборатдир. Мактабда ўқитиладиган «Она тили» ўқув предмети тилнинг серқирра имкониятларидан нутқда фойдаланиш меьёрларини ўргатади. Мазкур меъёрларни сингдиришда грамматик тушунчалар восита вазифасини бажариши зарур, аммо баъзан бунинг унутиб қўйилиши она тили таълимининг бош мақсадидан чалғишга олиб келади