Мен ўзбекнинг ўғлиман. Устоз йўлидан

Аннотация

Ушбу китобда халқимизнинг суюкли ҳофизи Комилжон Отаниёзов қаламига мансуб кўплаб шеърлар - ғазал ва мухаммаслар ҳамда аллома санъаткор тўғрисида ёзилган бир қанча лирик эътирофлар жамланди. Шунингдек, ушбу китоб устида машаққатли заҳматлар чеккан улкан санъаткор Раҳматжон Қурбонов шеърлари ва унга бағишлаб ёзилган айрим шеърий эътирофлар ҳам ўрин олди. Китоб Комилжон Отаниёзов истеъдодининг яна бир қиррасини намоён этиши аниқ. Устози изидан бораётган шогирднинг қалб кечинмалари баён этилган саҳифалар ҳам муҳтарам адабиёт ва санъат ихлосмандларига манзур бўлишига ишонамиз.