Elektr o'lchov va uskunalar

Аннотация

Axborot tizimida o`lchashlar va o`lchov vositalari katta ahamiyatga egadir. O`lchashlar o`tkazilmaydigan birorta ham xalq xo`jaligi tarmoqlarini topib bo`lmaydi, ayniqsa, aniq fanlar sohasida o`lchashlar alohida ahamiyatga ega. Masalan, koinotni va mikrodunyoni tadqiqot qilishda, elektr energiyasini ishlab chiqarishda va ta’minotda yoki biror texnologik jarayon borishi to`g`risida axborot olishda, avtomatlashtirilgan axborot sistemalarida o`lchov ob’yektlari holati to`g`risida tegishli xulosalar chiqarishda, turli mahsulotlar, xizmatlar haqida tegishli axborot ma’lumotlari olishda o`lchanayotgan fizik kattaliklarning qiymatlari to`g`risida ishonchli axborot olinmasa biror natijaga kelib bo`lmaydi. Bu axborotlarni maxsus texnik vositalar yordamida turli o`lchashlar usullaridan foydalanib olinadi. Bundan ko`rinadiki o`lchashlar inson istiqbolida alohida ahamiyatga ega.