Энтеровирусли менингитнинг клиник-лаборатор хусусиятлари

Аннотация

Бугунги кунда дунёнинг барча давлатларида энтеровирусли инфекцияларнинг (ЭВИ) фаоллашуви кузатилмоқда. Касалликнинг яққол ва белгисиз клиник шаклларининг эпидемияси ва авж олишининг учраётганлиги бундан далолат беради. Маълумки, энтеровирусли инфекцияларнинг аниқ серологик типга боғлиқ бўлмаган клиник белгиларининг полиморфизми, узоқ муддат вирус ташувчи бўлиб юриш, махсус профилактика чораларининг йўқлиги ЭВИни бошқариб бўлмайдиган касалликка айлантириб қўяди. Ушбу мақолада бизнинг ҳудудимизда ёши, мавсумийлиги ва эпидемиологик тавсифини ҳисобга олган ҳолда серозли менингит ривожланишида энтеровирусли инфекцияларнинг аҳамияти ва энтеровирусли менингитларда серотиплар тақсимланишининг ҳудудга хослиги келтириб ўтилган. Шунингдек, энтеровирусли менингитларнинг клиник-лаборатор кечиш хусусиятлари ўрганилган.