Ошқозон шиллиқ қаватидаги атрофик ўзгаришлар профилактикасининг минтақавий хусусиятлари

Аннотация

Долзарблиги. Атрофик гастрит билан касалланиш ёшга қараб ортади. 60 ёшдан ошган одамларнинг 80% дан кўпроғида ошқозон шиллиқ қавати (ОШҚ) биопсиясида турли даражадаги атрофик гастрит топилганлиги кўрсатилган. Тадқиқот мақсади. Бухоро вилоятида (БВ) нокардиал ошқозон саратони (НОС) учраш даражаси ва ошқозон шиллиқ қаватидаги атрофик ўзгаришлар профилактикасининг минтақавий хусусиятларини аниқлаш. Тадқиқот материаллари ва усуллари. 2015 йилдан 2019 йилгача бўлган даврда Республика ихтисослаштирилган онкология ва радиология илмий-амалий тиббиёт марказининг Бухоро филиалида амбулатория карталари ва НОС билан касалланган 152 беморнинг касаллик тарихи ретроспектив таҳлил қилинди. Тадқиқот натижалари. БВ да НОС билан касалланган беморларда сурункали h.pylori (НР) ассоцияланган атрофик гастрит учраш даражаси тахлил килинганида, 2015 йилдан 2019 йилга қараб 5 йил давомида ошиб боришга мойиллиги кайд этилди. Тадқиқот натижаларига кўра, ошқозон шиллиқ қаватининг атрофик жараёнлари (ОШҚАЖ) учун хавф гуруҳларини шакллантиришнинг махсус алгоритми ишлаб чиқилди.