Таркибида никель нанозаррачалари бўлган композицион керамик материалларни электр хусусиятлари

Аннотация

Диссертация мавзусининг долзарблиги ва зарурати. Ҳозирги пайтда дунёда таркибида металл нанозаррачалари бўлган бир жинсли бўлмаган моддалар асосидаги махсус ва муҳим амалий электрофизик хусусиятга эга бўлган материалларни яратиш борасида олиб борилаётган назарий ва экспериментал изланишлар сони, мавжуд компакт материаллар хоссаларидан деярли тубдан фарқ қилувчи бундай боғланишларнинг улкан физик характеристикалари туфайли, сезиларли даражада ортди. Бир жинсли бўлмаган тизимлар қаторида таркибида микро- ва нано металл заррачалари бўлган электр ўтказувчан керамик материаллар катта амалий потенциалга эга. Металл заррачаларининг маълум критик концентрацияси Vc (оқиш чегараси)да бундай системаларнинг электр, иссиқлик, магнит ва бошқа хоссалари тез ўзгаради.