Республикамизда болаларда ўткир юқумли ичак касалликларининг иқлимий ўзгаришлар билан боғлиқлигини таҳлил қилиш (самарқанд вилояти миқёсида)

Аннотация

Тадқиқот ишида Самарқанд вилоятида иқлимий ўзгаришларни (ҳаво ҳароратининг 10 йиллик ўртача кўрсаткичларини) ва вилоят юқумли касалликлар клиник шифохонасида ўткир юқумли ичак инфекцияси билан даволаниб чиққан ёш болаларнинг сонини ойлар кесимида таҳлил қилдик. Кузатув натижаларидан келиб чиққан ҳолда Самарқанд вилоятида ёш болаларда ўткир ичак инфекциялари билан касалланиш ва ҳаво ҳарорати ўртасида тўғридан-тўғри боғлиқлик тасдиқланди. ЎИИ билан касалланиш кўрсаткичи ортиши йил ойлари кесимида июнь, июль, август, сентябр ойларида кузатилади. Сентябрь ва октябрь ойларида беморларнинг такрорий мурожаатлари ҳисобига касалланиш сонининг кўтарилиши аниқланилган. Хулоса қилиб айтганда, ЎИИ билан касалланиш болалар орасида асосан 1-3 ёшгача бўлган болалар орасида қайд этилади (87%). Хусусан, болалар орасида ЎИИ билан касалланишнинг салмоқли қисмини асосан бир ёшгача бўлган болалар ташкил қилади (42,9%). Ҳаво ҳарорати кўтарилиши билан ёш болаларда ўткир юқумли ичак инфекциялари билан касалланиш сонининг ошиши аниқланилди.