Сирдарё вилояти шароитида суғориладиган ерларнинг мелиоратив режимини бошқариш усулини такомиллаштириш

Аннотация

Диссертация мавзусининг долзарблиги ва зарурати. Жаҳонда аҳоли сонининг шиддат билан ўсаётган ҳамда иқтисодиёт тармоқлари жадаллик билан билан ривожланаётган бир даврда табиий ресурслар, жумладан сув ва ер ресурсларидан самарали фойдаланишни такомиллаштириш муҳим масалалардан бири бўлиб ҳисобланади. БМТ маълумотларига кўра ҳозирда 217,7 млн. га майдонда буғдой етиштирилиб, 6,4-7,8% майдонларда субирригация усули қўлланилиб келинмоқда. Шу жиҳатдан, табиий ресурслардан оқилона фойдаланиш, сувтежамкор технологияларни кенг жорий этиш орқали қишлоқ хўжалик экинларидан мўл ва сифатли ҳосил етиштиришга алоҳида эътибор қаратилмоқда. Бу эса ҳозирги куннинг долзарб вазифаларидан ҳисобланади. Шунинг учун, аксарият хорижий давлатларда қишлоқ хўжалигида захира сувларидан жумладан, ер ости сувларидан кенг фойдаланиш технологиясини ишлаб чиқиш ва мавжудларини такомиллаштиришга алоҳида эътибор қаратилмоқда. Бу борада кўпгина хорижий давлатларда, жумладан АҚШ, Исроил, Хитой, Голландия давлатларида сизот сувларини бошқариш ҳисобига улардан самарали фойдаланишнинг янги усуллари ишлаб чиқишга алоҳида эътибор қаратилмоқда.