Юқори напорли гидротехника иншоотларда сув оқими параметрларини аниқлашнинг гидравлик усулларини такомиллаштириш

Аннотация

Диссертация мавзусининг долзарблиги ва зарурати. Жаҳонда сув хўжалиги ва гидроэнергетика соҳасида юқори босимли гидротехника иншоотлари бьефларини туташтириш, сувнинг кинетик энергиясини сўндирувчи турли иншоотларга эга юқори босимли қувурсимон сув ўтказгичдаги гидродинамик жараѐнларни тадқиқ қилиш, сувнинг кинетик энергиясини сўндирувчи иншоотлар параметрини такомиллаштириш муҳим масалалардан бири бўлиб ҳисобланади. Шу жиҳатдан, гидротехника иншоотларининг юқори босимли сув ўтказиш трактларида сувнинг кинетик энергиясини сўндириш ҳамда бьефларни туташтириш мақсадида турли: завихритель, диффузор, конфузор ва ҳ.к. қурилма ва иншоотлардан самарали фойдаланиб келинмоқда. Бу борада кўпгина мамлакатларда, жумладан АҚШ, Канада, Ҳиндистон, Хитой, Голландия, Россия ва Ўзбекистоннинг соҳадаги олий таълим ва илмий-тадқиқот муассасалари олимлари ишларида уюрмали (вихревых) шахтали ҳамда диффузор, конфузорли сув ташлаш трактларининг конструкциялари ва гидравлик ҳисобларини такомиллаштиришга алоҳида эътибор қаратилган.