ХХ АСР БОШЛАРИ МАЪРИФАТПАРВАРИ АБДУРАҲМОН САЙЁҲ ТОШКАНДИЙНИНГ “ТАНВИР АЛ-АҲДОҚ ФИ-МАКОРИМ АЛ-АХЛОҚ”(ГЎЗАЛ АХЛОҚЛАР БОРАСИДА КЎЗ ГАВҲАРИНИ НУРЛАНТИРИШ) АСАРИДА ИЛГАРИ СУРИЛГАН АХЛОҚИЙ ФИКРЛАР ТАСНИФИ

Аннотация

Мустақилликнинг дастлабки йилларидан бошлаб кўп асрлик маданий ва илмий ютуқларимиз акс этган ёзма ёдгорликларни сақлаш, ўрганиш ва тарғиб қилишга катта эътибор берилмоқда. Ўзбекистонда асрлар давомида Марказий Осиё бўйича энг бой қўлёзма мерос жамланган бўлиб, унинг салмоқли қисми Ўзбекистон Фанлар академиясининг Абу Райҳон Беруний номидаги Шарқшунослик институтида сақланади. Ҳар бири улкан маънавий обида, маданият дурдонаси бўлган бу қўлёзмалар фонди жаҳон миқёсида беқиёс аҳамиятга эга бўлган бебаҳо хазинадир. Бугунги кунда Шарқ фалсафий тафаккури, унинг очилмаган ноёб маънавий меъросини тадқиқ этиш, аждодларимиз қолдирган қимматли асарларни ўрганиш ҳар жиҳатдан долзарбдир. Шу туфайли ҳам Шарқнинг хусусан ўрта осиёнинг машҳур шахсларидан бири Абдураҳмон Сайёҳ Тошкандийнинг “Tанвир ал-аҳдоқ фи-макорим ал-ахлоқ” асари ва ундаги ёритилган фалсафий va ахлоқий мулоҳазаларни тадқиқ этиш, манба сифатида асарни таҳлилий ўрганиш ҳамда унинг Шарқ фалсафасидаги ўрнини очиб беришдан иборат. Абдураҳмон Сайёҳ Тошкандийнинг “Tанвир ал-аҳдоқ фи-макорим ал-ахлоқ” асари ва ундаги илгари сурилган ғоялар ниҳоятда эътиборлидир.