XX аср адабиёти манзаралари 1 китоб

Аннотация

Кўп асрлик ўзбек адабиёти тарихида XX аср адабиёти алоҳида ўринни эгаллайди. «Олтин аср» деб аталаётган бу асрда А.Қодирий, Фитрат, Чўлпон, Ойбек, Ғафур Ғулом сингари буюк шоир ва ёзувчилар етишиб чикдиларки, уларнинг ижодий изланишлари ва меҳнатлари туфайли ўзбек адабиёти жаҳон адабий жараёнининг таркибий қисмига айланди. «Манзаралар»нинг қўлингиздаги биринчи китобида XX асрнинг, асосан, биринчи ярмида яшаган ёзувчилар ҳаёти ва ижодининг китобхонлар ва ҳатто мутахассисларга номаълум бўлган саҳифалари ёритилган, уларнинг мустабид тузум давридаги эрк ва истиқлол учун кураши ҳамда фожиали тақдири ўз аксини топган. Ушбу китоб XX аср ўзбек адабиёти мухлислари, айниқса, олий ўқув юртлари филология факультетлари, шунингдек, лицей ва коллеж ўқитувчилари, аспирантлари ва талабалари учун ўқув қўлланмаси сифатида хизмат қилиши мумкин.