Кўп функционал махсус техника ва мослашган методологик базасини яратиш орқали мураккаб мажмуаларнинг ёнғин хавфсизлигини ошириш

Аннотация

Диссертация мавзусининг долзарблиги ва зарурати. Бугунги кунда дунёдаги мураккаб объектлар алоҳида мамлакат иқтисодий салоҳияти ва истиқболли ривожланишининг тизимини ташкил этувчи муҳим сегментларидир. Замонавий шароитларда кўпгина мураккаб объектларнинг асосий хусусиятлари уларнинг фаолият муҳити параметрлари ўзгаришининг юқори динамикаси ҳамда уларнинг ёнғин хавфсизлигини таъминлашдаги ҳуқуқий, инфратузилмавий қийинчиликлар ва зиддиятлардир. Иқтисоднинг ёнғин-портлаш хавфли ишлаб чиқариш цикллар ва мураккаб конструктив- технологик ечимлар билан энергияга тўла объектлар жами ҳамда ёнғин хавфи юқори бўлган қурилиш инфратузилмали объектлар ушбу диссертация ишида ягона атама, яъни «мураккаб объект» деб юритилади. Техноген ҳалокатларнинг, мураккаб объектлардаги ёнғинларнинг салбий оқибатлари, ёнғин хавфини камайтирувчи огоҳлантириш чоралари самарадорлигини оширишнинг илмий асосланган йўналишларини излашнинг долзарблигини оширди.